Бернард ёзда "Челси" ёки "Атлетико"га ўтади

Жорий мавсум якунлангач эркин агентга айланадиган “Шахтёр” ярим ҳимоячиси Бернард Европанинг бир қатор гранд клублари қизиқишларига сабаб бўлмоқда.

Premium Sport нашри тарқатган хабарга кўра бразилиялик иқтидор эгасига “Рома” ва “Интер” қизиқиш билдирмоқда. Бироқ, уни қўлга киритиш учун “Челси” ва “Атлетико”нинг имкониятлари нисбатан юқорироқ баҳоланмоқда.

Эслатиб ўтиш лозимки, бундан аввалроқ Бернарднинг “Милан”га режалаштирган трансфери барбод бўлган эди.

Маълумот учун, 25 ёшли футболчи жорий мавсум “кончилар” сафида жами 19та баҳсда иштирок этган ва ўз ҳисобига 6та гол ҳамда 4та голли узатма ёздириб қўйишга эришган.