"Бернли" ўз майдонида "Челси" билан дуранг ўйнади

Англия Премьер Лигаси 25-тури доирасида Лондоннинг “Челси” клуби меҳмонда “Бернли”га қарши майдонга тушди.

Қизиқарли кечган баҳс эса 1:1 ҳисобидаги дуранг билан якун топди. Хусусан, ўйиннинг 7-дақиқасидаёқ Виктор Мозес ҳисобни очган бўлса, 24-дақиқага келиб Робби Брэди ҳисобни тенг кўринишга олиб келди.

Қайд этиш лозим, “аристократлар” айни пайтда энг яқин таъқибчилардан 10 очкога ўзиб кетган ҳолда мусобақа жадвалида биринчи ўринни банд этиб турибди.