Бэйл 6 ноябрдан буён биринчи марта гол урди (видео)
Хабарингиз бор кеча Испания Ла Лигасининг 23-тур ўйинлари бўлиб ўтди. Шу куни Мадриднинг "Реал" клуби ўз майдонида "Эспаньол" футболчилари билан куч синашди.
Қизиқарли кечган ўйинда мадридликлар 2:0 ҳисобида зафар қучди. Дастлабки голга Альваро Мората муаллифлик қилди. Иккинчи голни эса узоқ вақтдан сўнг майдонга қайтган Гарет Бэйл киритди.
Эътиборлиси Зинедин Зидан ўйиннинг 71-дақиқасида уэльслик футболчини захирадан майдонга туширди ва бу ўз самарасини берди. Бэйл 83-дақиқада гол урди. Қизиғи шундаки Гарет сўнгги марта ўтган йилнинг 6 ноябрида гол урган эди.
Шундай бўлсада, Уэльс терма жамоаси етакчиси имкониятлардан фойдаланиш коэффициенти ҳамон юқорилигича қолмоқда. Аниқроғи, Бэйл ўзи иштирок этган сўнгги 28та ўйинда 23та гол уришга эришган.
Қуйида Бэйлнинг кечаги учрашувда киритган голини томоша қилишингиз мумкин:
Фикрлар