Бэйл каталонияликларга қарши ўйнаши мумкин

Мадриднинг “Реал” клуби ҳужумчиси Гарет Бэйл яқинлашиб келаётган ўйинларда жамоасига ёрдам бериши мумкин.

Таъкидлаш керакки, уэльслик футболчи ҳафта бошидан буён жамоанинг умумий гуруҳ машғулотларида иштирок этмоқда. Аммо, Зинедин Зидан УЕФА Чемпионлар лигаси 1/8 финал дастлабки “Наполи”га (3:1) қарши бўлиб ўтган ўйинда Бэйлни таркибга киритмаган эди.

Маълумотларга кўра Бэйл эртага бўлиб ўтадиган “Эспаньол”га қарши баҳсда майдонга тушиши мумкин. Аввалроқ эса "қироллик клуби" сардори Серхио Рамоснинг жароҳати сабаб эртангги ўйинни ўтказиб юбориши мумкинлиги ҳақида хабарлар тарқалган эди.

Эслатиб ўтамиз, “Реал” ва “Эспаньол” жамоалари ўртасидаги баҳс эртага Тошкент вақти билан соат 20:15да старт олади.