Биласизми? "Барселона" ўтган мавсум рекорд даражада даромад кўрди, аммо...

Каталониянинг “Барселона” клуби директорлар кенгаши жамоанинг ўтган мавсумдаги молиявий кўрсатгичларини эълон қилди.

Клуб матбуот хизматининг хабар беришича, “кўк-анор ранглилар” ўтган мавсумда ўзлари учун рекорд миқдорда пул ишлаб топишган. Аниқроғи, Каталония супер клуби якунланган мавсум жами 708 млн евро ишлаб топган. Аммо, шундан фақатгина 18 миллиони соф фойда ҳисобланади.

Маълумотларга кўра ушбу фойдадан сўнг “Барселона”нинг кредит қарздорлиги 24,5 млн еврога камайган. Энди жамоанинг қолган қарзи 247 млн еврони ташкил этади.