Биласизми: Моуриньонинг жамоалари чемпионат баҳсларида якшанба куни умуман мағлуб бўлмаган

Ҳозиргина Англия Премьер-Лигаси 5-туридан ўрин олган "Манчестер Юнайтед" ва "Эвертон" жамоалари ўртасидаги баҳс ўз ниҳоясига етди. Унда "қизил иблислар" 4:0 ҳисобидаги ғалабани қўлга киритишди.

Эътиборлиси, Жозе Моуриньо бошқарувидаги жамоалар чемпионат баҳслари доирасида якшанба кунлари ўтказилган ўйинларда бирор марта мағлуб бўлмай келмоқда.

Бугунги ўйинни инобатга олганда, 54 ёшли мутахассис жамоасини 105-бор якшанба оқшомидаги баҳсга бошлаб чиқди. Унинг қўл остидаги клублар чемпионат доирасида якшанба оқшомида ташкил этилган ўйинларнинг 81 тасида ғалабага эришган ва 24 бор дуранг ўйнаган.