Билич: Истеъфо? Буни раҳбарият ҳал қилади

Лондоннинг “Вест Хэм” клуби бош мураббийи Славен Билич кеча премьер-лиганинг 9-турида “Брайтон”дан (0:3) учралган йирик ҳисобдаги мағлубиятдан сўнг ўз фикрларини билдириб ўтди.

“Футболчилар бор кучларини бериб ҳаракат қилишди, лекин бу камлик қилди. Мен ушбу мағлубият учун мухлислардан узр сўрайман. Улар ҳаммадан кўп ҳаракат қилишди. Очко олиш мумкин бўлган жамоага ўз уйимизда 0:3 ҳисобида ютқазишимиз дахшатли.

Истеъфо? Мен хотиржамман. Жамоанинг кўрсатаётган натижалари учун барча айбни ўз зиммамга оламан. Якуний қарорни эса раҳбарият қабул қилади”, - дейди Билич.

Эслатиб ўтамиз, “Вест Хэм” айни дамда мусобақа жадвалининг 17-поғонасида бормоқда.

Фикрлар

Фикр қолдириш учун авторизациядан ўтинг!