Бир кунда учта ғалаба

26 апрель, 20:00 332

Бир кунда учта ғалаба

 

Қарши шаҳрида теннис бўйича эркаклар ўртасида ташкил этилган "Фьючерс" турнирининг иккинчи босқичида кортга чиққан уч нафар теннисчимизнинг барчаси ғалабага эришди.

Тажрибали теннисчимиз Санжар Файзиев беларуслик Сергей Бетовга қарши ўтказилган учрашувда рақибидан ҳар томонлама устунлигини намойиш қилди. Санжар бу баҳсда 6:3, 6:4 ҳисобида зафар қучди.

Темур Исмоилов россиялик Евгений Тюрнев билан икки соатдан ошиқ вақт мобайнида курашди. Уч сетгача чўзилган ўйинда ўзбекистонлик теннисчи 6:1, 6:7, 6:3 ҳисобида ғалаба қозонишга муваффақ бўлди.

Ёш теннисчимиз Жўрабек Каримов эса Россиянинг яна бир вакили Богдан Бобров билан рақобатлашди. Ҳужумкор ўйин кўрсатган ўзбек теннисчиси 6:3, 6:4 ҳисобида устун келди.

Ўзбекистоннинг энг иқтидорли теннисчиси ҳам бош соврин учун курашадиган бўлди

Чорак финалда теннисчиларимиз қуйидаги рақиблар билан ўйнайди:

Санжар Файзиев - Дмитрий Попко (Қозоғистон)

Темур Исмоилов - Егор Герасимов (Беларусь)

Жўрабек Каримов - Владимир Иванов (Эстония)

SPORTS.uz