“Бока Хуниорс” Буффонга қанча таклиф қилмоқда?

“Бока Хуниорс” клуби “Ювентус” дарвозабони Жанлуижи Буффон билан беш ойлик шартнома имзоламоқчи. Infobae нашри тарқатган хабарга кўра, бу вақт ичида 40 ёшли футболчи 2,5 млн доллар ишлаб олади. Аргентина клуби Буффондан бу таклифга жавобни 17 майдан кейин кутади.

Аввалроқ “Бока Хуниорс” мураббийи Баррос Скелотто “Ювентус” посбонига қизиқиш билдирганини маълум қилган. Италиялик дарвозабоннинг Турин жамоаси билан тузган шартномаси 2018 йил июнда якунига етади.

Буффон эса мавсум якунида фаолиятини якунлаш борасида бош қотирмоқда.