Боксчиларимиз олтин медалсиз қолди

1 май, 21:00 1044

Боксчиларимиз олтин медалсиз қолди

 

Қозоғистоннинг Атирау шаҳрида бокс бўйича ўтказилган халқаро турнирда ўнга яқин давлатдан келган боксчилар ғолиблик учун куч синашди.

Турнирда халқаро миқёсдаги мусобақаларда маҳорат кўрсатган чарм қўлқоп усталарининг борлиги беллашувларни кескин ва муросасиз ўтишига хизмат қилди.

Халқаро турнирда иштирок этган боксчиларимиздан Фозил Абдумуродов, Сардор Музаффаров, Фазлиддин Мелибоев ва Козим Мардонов финалгача бўлган беллашувларнинг барчасида зафар қучди. Бироқ, уларнинг бари мусобақа якунида кумуш медаль билан кифояланди.

Ярим финалгача етиб келган Абдулла Қўчқоров ва Алишер Ҳабибуллаев бронза медал билан тақдирланди.

SPORTS.uz