Бонавентура "Милан"ни "Рома"га алмаштириши мумкин

"Милан" ярим ҳимоячиси Жакомо Бонавентура “Рома”нинг қизиқишлар доирасига кириб қолди.

Corriere dello Sport нашрининг хабар беришича 28 ёшли италиялик футболчининг хизматларига шахсан римликлар устози Эусебио ди Франческонинг ўзи жиддий қизиқиш билдирмоқда.

Эслатиб ўтиш лозимки, бундан аввалроқ Бонавентурани Туриннинг “Ювентус” клуби ҳам ўз сафида кўрмоқчи эканлиги ҳақида хабарлар тарқалган эди.

Маълумот учун, Бонавентура жорий мавсум А Серияда жами 31та учрашувда майдонга тушиб, ўз ҳисобига 8та гол ҳамда 3та голли узатма ёздириб қўйишга эришган.