“Боруссия Д” “Челси”га Марко Ройснинг нарҳини эълон қилди

Лондоннинг “Челси” клуби “Боруссия Д” ярим ҳимоячиси Марко Ройснинг хизматларига қизиқиш билдирмоқда.

The Daily Express нашрининг хабар беришича дортдмундликлар “Челси”га Ройс учун 70 миллион фунт тўлашлари кераклигини айтишган. Ўз навбатида “аристократлар” бош мураббийи Антонио Конте ёзда жамоа таркибини янада кучайтиришни режалаштирмоқда.

Таъкидлаш керакки, Германия терма жамоаси аъзоси учун курашда “Челси”дан ташқари “Арсенал” ва “Ливерпуль” ҳам бор. “Боруссия Д” эса бу имкониятдан фойдаланиб, иложи борича кўпроқ пул ишлаб олишни кўзламоқда. 

Маълумот учун, 27 ёшли футболчининг “Боруссия Д” билан амалдаги шартномаси 2019 йилга қадар имзоланган.

Фикрлар

Фикр қолдириш учун авторизациядан ўтинг!