“Боруссия Д” Суботични “Кёльн”га ижарага бериб юборди

Дортмунднинг “Боруссия” клуби ҳимоячиси Невен Суботич мавсумни “Кёльн” сафида якунлайдиган бўлди. Кёльнликлар расмий сайтининг маълум қилишича жамоа сербиялик футболчини мавсум сўнггига қадар ижарага олган.

“Янги бахтлиман ва янги жамоамда ўйнашга тайёрман. Фантастик мавсумлар учун “Боруссия Д”дан миннатдорман. Энди менинг ҳаёлларим тўлиқ “Кёльн”да ва мен яна футбол ўйнашни истайман”, - дейди 28 ёшли футболчи "Кёльн" клуби расмий сайтига берган интервьюсида.

Таъкидлаш керакки, Германия Бундеслигасининг ортда қолган 17 турида Суботич бирор марта ҳам майдонга тушмади. Унинг “Боруссия Д” билан амалдаги шартномаси 2018 йилга қадар имзоланган.

Аввалроқ, Суботичнинг "Гамбург" клубига ўтиши борасида хабарлар тарқалган эди.