Бу қизиқ. "Ювентус" ўз майдонида кетма-кет 40та учрашувдан буён ютқазмаяпти

Хабарингиз бор кеча Италия А Сериясининг 5-турида амалдаги чемпион Туриннинг “Ювентус” клуби ўз майдонида “Фиорентина” футболчиларига қарши майдонга тушди. Қизиқарли кечган баҳс якунда мезбонларнинг 1:0 ҳисобидаги ғалабаси билан якунланди.

Эътиборлиси, ушбу учрашув туринликларнинг ўзига ҳос натижа қайд этишларига сабаб бўлди. Боиси, улар А Серия доирасида ўз майдондарида кетма-кет 40та ўйиндан буён мағлубият нималигини билишмаяпти. “Ювентус” ўтган 40та баҳснинг 37тасида ғалаба қозонган бўлса, бор йўғи 3та учрашувда дуранг қайд этган.

Бундан ташқари “Ювентус” сўнгги икки турдан буён рақибларига ўз дарвозаси томон аниқ зарба беришга ҳам имкон қолдиришмаяпти.