Буффон ФИФАда раҳбарлик лавозимларида бирини эгаллаши мумкин

“Ювентус” клуби дарвозабони Жанлуижи Буффон учун 2017/18 мавсум фаолиятида сўнггиси бўлади. Шундан сўнг у Турин клуби, Италия футбол федерацияси ёки ФИФАда бошқарув лавозимларидан бирини эгаллаши мумкин, дея хабар беради Tuttosport нашри.

Шунингдек, 39 ёшли футболчига собиқ жамоадоши Андреа Пирло тўп сураётган MLSнинг “Нью-Йорк Сити” клуби ҳам қизиқиш билдирмоқда.

Агар у “Ювентус”да қолишни истаса, директорлар уюшмасидан ўрин эгаллайди. Бироқ бу ҳозирча аниқ эмас. Миллий федерация ҳам терма жамоада унга бошқарув лавозимларидан бирини беришга тайёр.

ФИФА президенти Жанни Инфантино ҳам дарвозабонни футболни ривожлантириш йўлида ушбу ташкилотга таклиф қилиши кутилмоқда.