Бугун Ҳасанбой Дўсматов жанг қилади
Таиланд пойтахти Бангкок шаҳрида юқори нуфузли мусобақа - бокс бўйича "Қирол кубоги-2017" халқаро турнирини муваффақиятли бошлаган Ўзбекистон терма жамоаси боксчилари бугун учрашувларни давом эттиради.
Хусусан, Олимпия ўйинлари ғолиби ва Осиё чемпиони Ҳасанбой Дўсматовнинг жанги нафақат ўзбекистонлик балки бошқа мамлакатлар мухлису мутахассисларини ҳам жиддий қизиқтирмоқда. Ҳасанбой беллашувларга иккинчи даврадан қўшилган ва биринчи жангини филиппинлик Палам Карлога қарши ўтказади.
Яна бир Олимпиада чемпиони Шаҳобиддин Зоиров жорий мавсумдаги дастлабки учрашувини Хитой Тайпейи вакили Као Шин Йенга қарши ўтказади.
Олимпия ўйинлари совриндори Муроджон Аҳмадалиев филиппинлик Жеймс Палисте, жаҳон чемпионати бронза медали соҳиби Элнур Абдураимов туркманистонлик Зуфар Сапарбоев билан куч синашади.
Халқаро турнирдаги дастлабки ғалабасини нишонлаган Исроил Мадримов Хитой Тайпейи боксчиси Кан Чиа Вей, Шаҳрам Ғиёсов ҳиндистонлик Манож Кумарбилан рақобатлашади.
Жасурбек Латиповнинг иккинчи даврадаги рақиби таиландлик Критипак Дуангнут бўлади.
Мусобақага оид энг сўнгги хабар ва янгиликларни SPORTS.uz ахборот портали орқали кузатиб боринг!
Фикрлар