Бугун ЖЧ-2018га қуръа ташланади. Маросимни UZREPORT TV ва FUTBOL TV телеканаллари жонли эфирда намойиш қилади

Хабарингиз бор бугун Москва шаҳридаги Кремль саройида ЖЧ-2018 мусобақасининг финал босқичига қуръа ташлаш маросими ўтказилади.

Ўзбекистонлик футбол ишқибозлари эса ушбу тадбирни UZREPORT TV ва FUTBOL TV телеканалларида жонли эфирда томоша қилишлари мумкин. Қуръа ташлаш маросими Тошкент вақти билан соат 20:00да бошланади. Маросимни англиялик машҳур футболчи Гари Линекер россиялик таниқли телебошловчи Мария Командная билан бирга олиб боради. 

Қуръадан олдин эса финал босқичига йўлланмани қўлга киритган 32та терма жамоа ФИФА рейтингида эгаллаб турган ўрнига қараб 4та саватчага бўлинган.

1-саватча: Россия, Германия, Бразилия, Португалия, Аргентина, Бельгия, Польша, Франция.
2-саватча: Испания, Перу, Швейцария, Англия, Колумбия, Хорватия, Мексика, Уругвай.
3-саватча: Дания, Швеция, Исландия, Коста-Рика, Тунис, Миср, Сенегал, Эрон.
4-саватча: Сербия, Нигерия, Япония, Марокаш, Панама, Жанубий Корея, Саудия Арабистони, Австралия.