Bugun Manchester shahri Liverpulga qarshi yoxud azaliy raqiblarning navbatdagi to‘qnashuvlari oldidan

Bugun Angliya Premer-ligasi 21-tur markazi bahsida Joze Mourino boshchiligidagi “Manchester Yunayted” jamoasi o‘z maydonida Yurgen Klopp boshchiligidagi “Liverpul” klubini (SPORTS.uzda 21:00dan LIVE) qabul qiladi.

Shuningdek, APLning yana bir bahsida Liverpul shahrining “Everton” klubi Manchesterning boshqa bir jamoasi “Manchester Siti”ni (SPORTS.uzda 18:30dan LIVE) o‘z maydonida sinovdan o‘tkazadi.

Shubhasiz, mazkur bahslarga bo‘lgan qiziqish katta. Biz esa “MYu” va “Liverpul” jamoalari o‘rtasidagi qarama-qarshiliklar tarixi haqidagi qiziqarli faktlarni havola etamiz.

• Mazkur bahs jamoalarning APL doirasidagi 50-o‘yin hisoblanadi. 49 uchrashuvdan 27 tasida “qizil iblislar” zafar quchib, 9 marta durang qayd etgan.
• “Liverpul” “Old Trafford” kechgan 14 uchrashuvning 11tasida mag‘lubiyatga uchragan va uch marta g‘alaba qozongan.

• Yuqoridagi qarama-qarshiliklarda 16ta qizil kartochka ko‘rsatilgan. Bu mersisayd derbisidan so‘ng ikkinchi ko‘rsatgich hisoblanadi.
• “Manchester Yunayted” chempionatda so‘nggi olti turdan beri ketma-ket g‘alaba qozonib kelmoqda.
• “Liverpul” bu mavsum faqatgina 2 safar o‘yiinida mag‘lub bo‘lgan.

• “Old Trafford”da “Liverpul”ga qarshi o‘tgan so‘nggi 12 bahsdan 10tasida “MYu”ning qo‘li baland kelgan.
• Bu jamoalar o‘rtasidagi ilk to‘qnashuv 1895 yil “Enfild”da bo‘lib o‘tadi va unda mezbonlar 7-0 hisobida “Nyuton Xit”(“Yunayted”ning eski nomi) tor-mor etadi. Javob bellashuvida esa 5-2 hisobida manchesterlik futbolchilar “revansh” olishadi.
• Rayan Giggz faoliyatidagi 963 ta o‘yinning 48 tasi “Liverpul”ga qarshi o‘yinga to‘g‘ri keladi va u mazkur derbida eng ko‘p o‘yin o‘tkazgan futbolchi sanaladi.

• Stiven Jerrard, Jorj Uoll va Sendi Ternbullar mazkur derbida 9 bor zafar quchganlar va ular “Manchester Yunayted” – “Liverpul” qarama-qarshiligida eng ko‘p to‘p kiritgan futbolchilardir.

Eslatib o‘tamiz, o‘yin Toshkent vaqti bilan 21:00da boshlanadi.