"Бунёдкор" клуби Иордания терма жамоаси билан ўртоқлик ўйини ўтказади

Тошкентнинг «Бунёдкор» жамоаси БАА йиғини доирасида олтита назорат учрашуви ўтказишни режалаштирган эди.

«Қалдирғочлар»нинг БААдаги илк ўртоқлик ўйини “Ал Шааб”га қарши ўтказилди. Унда Сергей Лушчан шогирдлари 2:1 ҳисобида зафар қучди. Ўйинда «Бунёдкор»нинг биринчи голини Вадим Чемиртан урган бўлса, иккинчи голни Шахзодбек Нурматов ўз ҳисобига ёздириб қўйди.

• "Бунёдкор" клуби таркибида икки легионер футболчи кўрикдан ўтмоқда

Шунингдек, «Бунёдкор» клуби Иордания терма жамоаси билан ҳам куч синашади. Бу баҳс 20 январь куни Дубайдаги “The Sevens” стадионида бўлиб ўтади.

Бундан ташқари, Сергей Лушчан жамоаси 2017 йилги Африка Миллатлар Кубогига тайёргарлик кўраётган Гана терма жамоаси билан ҳам ўртоқлик ўйини ўтказади.

• Тезкор хабар. "Бунёдкор” клуби Гана терма жамоаси билан куч синашади

Қолаверса, «қалдирғочлар» Саудия Арабистонининг “Ал Файсалий” ҳамда Хитой Супер лигаси вакили “Хенан Жиане” жамоаси билан ҳам ўртоқлик ўйин ўтказиш борасида келишиб олган.

• "Бунёдкор" Саудия Арабистони клубига қарши майдонга тушади

15 январь куни эса Бунёдкор клуби Шотландия Премершипи иштирокчиси, “Абердин” клуби билан ўртоқлик ўйини ўтказади.

• «Бунёдкор» Алекс Фергюсон клуби билан ўртоқлик ўйини ўтказади

"Бунёдкор” клубининг БААдаги йиғини доирасидаги ўртоқлик ўйинлари:

10 январь. “Бунёдкор” – Гана миллий терма жамоаси

11 январь. “Бунёдкор” – “Хенан Жианье” (Хитой)

13 январь. “Бунёдкор” – “Ал-Файсалий” (Саудия Арабистони)

15 январь. “Бунёдкор” – “Абердин” (Шотландия)

20 январь. “Бунёдкор” – Иордания миллий терма жамоаси