“Бухоро” клуби мухлислар учун “сюрприз” тайёрламоқда

Бугун “Бухоро” жамоаси машғулотларга киришди. Бу ҳақда клуб расмий сайти хабар бермоқда.

Манбанинг маълум қилишича, жамоа Бухоро шахрида машғулотлар олиб бормоқда. 1 феврал куни машғулотлар Тошкентда давом эттирилади. Тошкентдаги йиғин давомида қатор назорат учрашувлари ўтказилиши режалаштирилган.

Вадим Абрамов ва Улуғбек Бақоев бошчилигидаги “Бухоро” жамоаси трансферларни айнан Тошкентдаги йиғинлар давомида амалга оширади. Жамоа ўзаги сақланган ҳолда, маҳоратли футболчилар эвазига кучайтирилиши режалаштирилган.

“Бухоро” ПФК мухлисларнинг хавотирга тушмасликларини сўрайди. Яқин кунлар ичида жамоа трансферларда актив иштирок этади ва мухлисларни ўзига хос “сюрприз” кутаётганини маълум қилади.