“Челси” Жиру борасида “Арсенал” билан келишувга эришди

Лондоннинг “Арсенал” клуби ҳужумчиси Оливье Жиру “Челси”га ўтишга яқин турибди.

Daily Mail нашрида ёзишларича, жамоалар франсиялик футболчининг трансферини 18 млн фунтга баҳолашган ва ўзаро келишувга эришилган.

Маълумот учун, Жиру “Арсенал” сафида 2012 йилдан буён тўп суриб келмоқда. У жорий мавсум жами 25та учрашувда майдонга тушиб, ўз ҳисобига 7та гол ёздириб қўйишга эришган.