"Челси" нархи 100 млн евро бўлган 19 ёшли футболчига қизиқиб қолди
Бухарестнинг “Стяуа” клуби ҳужумкор ярим ҳимоячиси Флоринел Коман “Челси”нинг қизиқишлар доирасига кириб қолди.
Daily Mail нашри тарқатган хабарга кўра лондонликлар техник директори Майкл Эменало 19 ёшли руминиялик футболчини чемпионатнинг “Динамо”га қарши баҳсида кузатиб борган.
Таъкидлаш лозимки, “Стяуа” Команни мавсумлар оралиғида “Вииторула” клубидан 2 миллион еврога харид қилган ва у билан 2022 йилга қадар шартнома имзолаган эди.
Бухарестликлар хўжайини Жижжи Бекали Команни ПСЖ аъзоси Килиан Мбаппе билан бир ҳил савиядаги футболчи деб баҳоламоқда ва шу боис унинг шартномасига товон пулини 100 миллион евро этиб белгилаган.
Маълумот учун, Коман жорий мавсум Руминия чемпионатида жами 10та учрашувда иштирок этган ва 1та голга ассистентлик қилишга эришган.
Фикрлар