"Челси"ни ЕЧЛ ғолиби қилган мутахассис Ла Лигада иш бошлаши мумкин

Лондоннинг “Челси” клуби собиқ бош мураббийи Роберто ди Маттео ўзининг мураббийлик фаолиятини Испания Ла Лигасида давом эттириши мумкин.

Tuttomercatoweb нашри тарқатган хабарга кўра “Лас-Пальмас” клуби раҳбарияти айнан 47 ёшли мутахассис номзодини кўриб чиқмоқда.

Эслатиб ўтамиз, ди Маттеонинг сўнгги иш жойи “Астон Вилла” клуби бўлган эди. У ушбу жамоадан 2016 йилда истеъфога чиқарилган.

Маълумот учун, ди Маттео 2012 йил “Челси” билан бирга УЕФА Чемпионлар лигаси кубогини қўлга киритган.