Черчесовнинг Россия терма жамоасидаги тақдирига ойдинлик киритилди

Россия футбол иттифоқи мамлакат терма жамоасининг амалдаги бош мураббийи Станислав Черчесов билан ҳамкорликни давом эттирмоқчи.

Хабарларга қараганда 54 ёшли мутахассис билан 2022 йилга қадар шартномани узайтириш режалаштирилган. Шундан келиб чиқиб айтиш мумкинки, Черчесов Россия терма жамоасини 2020 йилги Европа чемпионати ҳамда 2022 йилги мундиалга тайёрлайди.

Эслатиб ўтамиз, Черчесов бошқарувидаги Россия терма жамоаси ўз тарихида илк бор жаҳон чемпионатининг гуруҳ босқичидан чиқди ва чорак финалга қадар етиб борди.