Дани Алвес ПСЖ аъзоларига "яраш оши" қилиб берди

Франциянинг ПСЖ клуби ҳимоячиси Дани Алвес ҳамюрти Неймар ва жамоадоши Каванилар ўртасидаги можарони унутишлари учун жамоанинг барча аъзоларини ёппасига кечки овқатга таклиф қилди.

Ушбу “яраш оши” кеча Париждаги ресторанларнинг бирида бўлиб ўтди. L’Equipe нашрининг маълум қилишича бу ҳолат клубдаги можароларни камайишига ва футболчиларнинг бир-бирларига бўлган ўзаро ҳурматини оширишга ёрдам беради.

Эслатиб ўтамиз, Неймар ва Кавани Франция чемпионатининг ўтган турида “Лион”га (2:0) қарши баҳсда бир неча вазиятда ўзаро тўп талашишиб, кўпчиликнинг эътиборига тушишган эди.