Дани Алвес уни Роналду билан ким уриштирганини ошкор қилди
Ҳозир "Ювентус" шарафини ҳимоя қилаётган Дани Алвес "Барселона"да ўйнаган кезлари асосий рақобатчи "Реал"ни ва унинг футболчиларини ижтимоий тармоқлар орқали кўп "тузлаган". Албатта, бу жараёнда "Реал" етакчиси Криштиану Роналду ҳам ўз насибасини олган.
Яқинда Дани Алвес бўлиб ўтган воқеалар аслида қандай бўлганини омма эътиборига ҳавола қилди.
- Мен Роналду билан журналистлар уриштириб қўйган, - деди Дани Алвес. - Аслида мен Криштиануни ва унинг оиласини қаттиқ ҳурмат қиламан. Жамоанинг асосий ўйинчиси бўлганингдан кейин доимо эътибор доирасида бўласан. Муваффақиятсизликда эса шу етакчи ўйинчилар айбдор қилинади. Мен Лионель Месси ва Неймар ҳақида ҳам шундай деб ўйлайман. Мен Роналдуга ёқмайдиган гап гапирмаганман. Буни журналистлар нотўғри талқин қилган ва Криштиану уларга ишонган. Натижада ФИФА қароргоҳида у мен билан сўрашмади ҳам.
2015 йили "Олтин тўп" маросимида Криштиану Роналду Дани Алвес билан сўрашмасдан, унга "Аҳмоқлиқ қилишни йиғиштир!", деб танбеҳ берган.
Фикрлар