Дембеле Бундеслиганинг ўтган мавсумдаги энг яхши ёш футболчиси деб топилди

Ўтган ёзги трансферлар даврида Дортмунднинг “Боруссия” клубидан “Барселона”га кўчиб ўтган Усмон Дембеле Бундеслиганинг 2016/17 йилги мавсумида энг яхши ёш футболчи деб топилди. Бу ҳақда каталонияликлар расмий сайти маълум қилмоқда.

Бундан ташқари 20 ёшли франциялик футболчи Бундеслиганинг ўтган мавсум кашфиёти деб ҳам топилди ва чемпионатнинг рамзий терма жамоасидан ўрин олди.

Маълумот учун, Дембеле “Боруссия” сафида жами 50та учрашувда иштирок этган ва ўз ҳисобига 10та гол ҳамда 22та голли узатма ёздириб қўйишга эришган.