Дембеле фаолиятини АПЛда давом эттириши мумкин

Каталониянинг “Барселона” клуби ҳужумчиси Усмон Дембеле фаолиятини Англияда давом эттириши мумкин.

Don Balon нашрининг ёзишича Дембеле "Манчестер Юнайтед"га ўтиш учун "Челси", "Бавария" ва ПСЖ каби жамоаларнинг таклифларини рад этмоқда. Маълум бўлишича франциялик иқтидор эгаси болалигидан манкуанликлар сафида ўйнашни орзу қилган.

Ўтган ёз “Боруссия” Дортмунддан “Барселона”га кўчиб ўтган футболчининг жорий мавсум “Камп Ноу”да ишлари бироз юришмади. У мавсумнинг катта қисмини жароҳати сабаб ўтказиб юборди. Дембеле ҳозиргача Ла Лигада жами 13та баҳсда иштирок этиб, ўз ҳисобига 1та гол ҳамда 5та голли узатма ёздириб қўйишга эришган.