Дембеленинг жароҳати сабабли "Боруссия Д" зарар кўрди

"Барселона" ҳужумчиси Усмон Дембеле Ла Лига 4-туридан ўрин олган "Хетафе"(2:1)га қарши баҳснинг 29-дақиқасида жароҳат олиб, майдонни тарк этган эди.

Тиббий текширув хулосалари эса франциялик футболчининг 4 ойга сафдан чиққанини баён этди. Дембеле 105 млн евро эвазига "Барселона"га ўтган бўлсада, томонлар яна 43 млн евро миқдоридаги бонуслар борасида ҳам келишувга эришган эдилар.

Жумладан, агарда, Дембеле мавсум давомида 50 та баҳсда майдонга тушса, Дортмунд клуби яна 10 млн еврога бойир эди. Аммо Дембеле 4 ой майдонга туша олмаслиги маълум бўлгач, унинг мавсум давомида 50 та баҳсда майдонга тушмаслиги кундай равшан бўлиб улгурди.