Денисовнинг жамоадоши Европа лигаси тарихига кирди
Кеча Европа лигасида 2-тур ўйинлари бўлиб ўтди. Ҳамюртимиз Виталий Денисов фаолият олиб борадиган Москванинг “Локомотив” жамоаси ўз майдонида Чехиянинг “Злин” клубини қабул қилди.
Ушбу ўйинда Денисовнинг жамоадоши Мануэль Фернандеш 3 та гол киритишга муваффақ бўлди. Бунинг учун португалиялик футболчига 17 дақиқа кифоя қилди.
Эътиборлиси, ушбу натижа Европа лигаси тарихига кирди. Бундан олдинги энг тезкор хет-трик 28 дақиқада қайд этилган бўлиб, ушбу рекорд Грециянинг ПАОК клуби собиқ ҳужумчиси Стефанос Атанасиаудисга тегишли эди.
Фикрлар