Дешам: Роналдо жуда тезкор бўлган, Мбаппе – унданда тезкор

Франция терма жамоаси бош мураббийи Дидье Дешам Аргентинага қарши (4:3) ЖЧ–2018 нимчорак финал ўйинидан кейин ўз фикрлари билан ўртоқлашди. Франциялик мутахассис ушбу ўйинда дубль қайд этшан Мбаппени бразилиялик афсонавий Роналдога қиёслади.

“Одамларга футболчиларни таққослаш ёқади. Роналдо тезкор футболчи бўлган, Мбаппе унданда тезкор. Килианга кўпроқ эркинлик ва ҳудуд керак. Роналдо жаҳон чемпиони бўлган ва 20 ёшли футболчини унга таққослаш нотўғри. Таркибимизда Мбаппе борлигидан бахтиёрман.

Матюиди нима учун ҳакам билан тортишганини ва сариқ карточка олганини тушунмадим. У энди келаси ўйинни қўйиб юборади. Биз сариқ карточкага аппеляция бермоқчимиз, бироқ бунинг фойдаси бўлмаса керак”, – деди Дешам.

Фикрлар

Фикр қолдириш учун авторизациядан ўтинг!