Дэвис Кубоги. Ўзбекистон Покистонга қарши ўйнайди

Шу йилнинг 6-7 апрель кунлари теннис бўйича Ўзбекистон терма жамоаси Дэвис Кубогининг Осиё/Океания минтақаси биринчи гуруҳи, иккинчи босқич учрашуви доирасида сафарда Покистонга қарши ўйин ўтказади.

Терма жамоа сардори Петр Лебедь баҳсларга Денис Истомин, Санжар Файзиев, Жўрабек Каримов, Ҳумоюн Султонов, Фаррух Дўстов каби теннисчиларни жалб этган.

Маълумот учун, Ўзбекистон ва Покистон терма жамоалари бунгача икки маротаба тўқнаш келганлар ва уларнинг ҳар иккисида ҳам вакилларимиз ғалаба қозонишган. 1996 йил Покистонда ўтказилган баҳсда терма жамоамиз 5:0 ҳисобида устун келган бўлса, 1999 йили Тошкентда ўтказилган учрашувда ҳамюртларимиз 4:1 ҳисобидаги ғалабани тантана қилишган.

Ўзбекистон терма жамоаси ушбу баҳсларда ғалаба қозона олса, жаҳон гуруҳига қўшилиш учун ўтказиладиган плей-офф ўйинларида иштирок этиш ҳуқуқини қўлга киритади.