Диего Коста: Испания – ЖЧ–2018 фаворити

“Атлетико” клуби ҳамда Испания терма жамоаси ҳужумчиси Диего Коста Аргентинага қарши (6:1) ўртоқлик ўйинидан кейин ўз фикрларини билдирди.

“Бугунги ўйин натижаси бироз шубҳага сабаб бўлиши мумкин, чунки Месси Аргентина термаси сафида майдонга тушмади. Албатта, Леонинг йўқлиги учрашув натижасига таъсир қилди. Бироқ биз яхши ўйин ўтказдик.

Испания термасида ажойиб футболчилар тўпланган. Айтишим мумкинки, Испания – Россияда бўлиб ўтадиган Жаҳон чемпионати–2018 турнири фаворити”, – деб Диего Коста сўзларидан иқтибос келтиради Cadena Cope радиоси.