Диего Симеоне Торресни "Атлетико"да олиб қолмоқчи

Мадриднинг “Атлетико” клуби ҳужумчиси Фернандо Торрес янги мавсумни ҳам “матрасчилар” сафида ўтказади.

Marca нашриннг хабар беришича, мадридликлар бош мураббийи Диего Симеоне янги футбол мавсумида ҳам 33 ёшли тажрибали форварднинг хизматларидан фойдаланмоқчи. Муҳими, Торреснинг ўзи ҳам “Атлетико”дан кетмоқчи эмас.

Маълумот учун, Торрес жорий мавсум Ла лиганинг жами 31та учрашувида майдонга тушган ва ўзи ҳисобига 8та гол ҳамда 5та голли узатма ёздириб қўйишга эришган.