Димитри Пайетнинг тақдири нима бўлади?
"Вест Хэм Юнайтед" жамоаси билан муносабати бузилган франциялик ярим ҳимоячи Димитри Пайет ҳозирча футболдан четда қолмоқда. Англия ва Хитой клублари таклифини рад этган плеймейкер ҳамон "Марсель"дан таклиф кутмоқда.
"Марсель" таклиф қилган суммалар эса "Вест Хэм Юнайтед" раҳбарларини қониқтирмаяпти.
Бир неча уриниши рад этилган "Марсель" ниҳоят яна трансфер учун таклиф қилаётган суммани кўтарди ва 29 ёшли футболчи учун 32 миллион евро беришини маълум қилди. Бу сумма инглизларга маъқул келди ва тез орада бу трансфер амалга ошиши кутилмоқда.
Пайет спорт формасини ушлаб туриш учун "Вест Хэм Юнайтед" ёшлар таркиби билан бирга шуғулланмоқда.
Комментарии