Драган Черан кетма-кет икки ўйинда ҳам гол киритди

"Насаф"нинг сербиялик легионери, ҳужумчи Драган Черан бўлиб ўтган икки учрашувда ҳам гол киритди ва жорий мавсумдаги голлари сони иккита бўлди.

Драган Черан 1-турда ҳам "Қўқон-1912" жамоаси дарвозасига гол киритган эди. Бугун эса "Бухоро" жамоаси билан бўлган учрашувда ҳам ўз ҳисобига гол ёздириб қўйди. Шуни алоҳида таъкидлаш ҳам жоизки, унинг урган икки голига Шахбоз Эркинов асисентлик қилди.

Ушбу ҳужумчи ўтган йилги мавсумда рақиблар дарвозасига 12 та гол киритиб, жамоамиз тўпурари бўлган.