Эмерига Испаниядан таклиф бўлмоқда

Ёзда катта эҳтимол билан ПСЖни тарк этиши кутилаётган Унаи Эмери фаолиятини ўз ватанида давом эттириши мумкин.

El Mundo Deportivo нашрининг ёзишича 46 ёшли испаниялик мутахассисга “Реал Сосьедад” таклиф билан чиққан. Сан-Себастьянликлар аллақачон бу борада Эмерининг вакиллари билан учрашишган ва унинг жамоа бошқарувига келиш масаласини муҳокама қилишган.

Эслатиб ўтамиз, Унаи Эмери учун Ла Лига бегона эмас. Боиси, у ПСЖга йўл олишидан олдин бир неча мавсум “Севилья” клубини бошқарган.