Эмерининг ПСЖдаги тақдири "Реал"нинг қўлида(ми)?

Франциянинг ПСЖ клуби УЕФА Чемпионлар лигасида ғолиб чиқиш учун ўтган ёзги трансферлар даврида жуда катта маблағлар эвазига супер харидларни амалга оширган эди. Бироқ, бахтга қарши парижликлар плей-оффнинг илк босқичидаёқ дунёнинг энг кучли клубларидан бири бўлган Мадриднинг “Реал” жамоасига рўбаро бўлишди.

Айтиш лозимки, ушбу босқичдаги муваффақиятсизлик жамоа бош мураббийи Унаи Эмерининг ПСЖдаги фаолиятига нуқта қўйиши мумкин. Боиси, клуб президенти Носир Ал-Хелаифи гуруҳ босқичининг сўнгги турида “Бавария”дан (3:1) учралган ҳамда ўтган мавсум Каталонияда “Барселона”га (6:1) бой берилган йирик ҳисобдаги мағлубиятни унутганича йўқ. Шу боис, Эмерининг бу сафарги муваффақиятсизлиги раҳбарият томонидан кечирилмаслиги мумкин.