Энг кучли икки теннисчини енгган украиналик гўзал бош совринга эга бўлди
Мексиканинг Акапулько шаҳрида аёллар ўртасидаги "Abierto Mexicano Telcel - 2017" халқаро турнири украиналик Леся Цуренко ғалабаси билан якунланди.
Мукофот жамғармаси 226 750 АҚШ доллари бўлган мусобақада Леся Цуренко энг кучли теннисчиларни енгди. Ярим финал учрашувида биринчи рақамда сараланган хорватиялик Мирьяна Лучич-Барони биринчи сетда Лесяга 0:5 ҳисобида имкониятни бой бераётган паллада учрашувни давом эттиришдан бош тортди.
Ярим финални муддатидан олдин тугатган Леся Цуренко финалда иккинчи рақамдаги теннисчи - франциялик Кристина Младенович билан рақобатлашди.
Ҳал қилувчи баҳсда 6:1, 7:5 ҳисобида зафар қучган Леся Цуренко бош совринга сазовор бўлди.
Фикрлар