Енгилмас боксчи Жошуа нокаут бўлдими?
29 апрель куни британиялик Энтони Жошуа (18-0-0, 18 КО) украиналик боксчи Владимир Кличко (63-4-0, 53 КО) билан WBA Super, IBF ва IBO чемпионлик камарлари учун жанг қилади.
Энтони Жошуанинг спарринг рақиби британиялик боксчи машғулот жангларида кўп зарба ўтказиб юбораётгани ва нокаут бўлганини ошкор қилди.
Британиялик нокаутчи бу гапларга изоҳ берди.
- Боксчилар ўртасида спарринг жанглари ҳақида гапирилмайди, - деди Энтони Жошуа. - Сени ишониб спаррингга чақиришдими, жамоанинг ички сирларини очмаслигинг керак. Мен спарринг жангларида калтак ейишни яхши кўраман. Шу орқали заиф жиҳатларимни билиб оламан ва уларни бартараф этаман. Боксчи ҳақиқий жангда зарбалар остида қолса, нима қилишини спарринг жангларда билиб олиши керак.
Яқинда машҳур британиялик боксчи Дэвид Хэй ўз ҳамюртимнинг бўлажак рақиби - Владимир Кличконинг машғулотларидан хабар берадиган одами борлиги ва украиналик боксчи спаррингларда чарчаб қолаётганини маълум қилганини айтганди.
Комментарии