Енгилмас супер чемпион Кличкога қарши жанг учун тайёргарликни бошлайди

  • 22 январь, 2017, 17:50
  • 0
  • Бокс


Супер оғир вазн тоифасининг IBF версияси бўйича жаҳон чемпиони Энтони Жошуа (18-0, 18 КО) фаолиятидаги энг йирик жангларидан бирига тайёргарликни 1 февралдан бошлайди.

Унинг мазкур тўқнашувдаги рақиби собиқ чемпион украиналик Владимир Кличко (64-4, 53 КО) бўлади. Энтонининг промоутери Эдди Хирн сўзларига кўра, боксчи айни дамда БААда, бироқ яқин вақт ичида ватанига қайтишни режалаштирган.

Anthony_Joshua_and_Wladimir_Klitschko

Шундан сўнг британиялик боксчи жамоаси билан Кличко – Жошуа жанги олдидан бўладиган матбуот-анжуманини ўтказиш учун АҚШга йўл олади ва кейин машғулотлар лагерига кетади.

Эслатиб ўтамиз, Жошуа – Кличко қарама-қаршилиги 29 апрель куни “Уэмбли” стадионида бўлиб ўтади. Бу боксчилар супер оғир вазн тоифасининг IBF, IBO ва WBA камарлари учун рингга чиқишади.

Фикрлар

Фикр қолдириш учун авторизациядан ўтинг!