Это′О яна Италия А Сериясига қайтиши мумкин

Туркиянинг «Коньяспор» клуби ҳужумчиси Самюэль Это′О яна Италия чемпионатига йўл олиши мумкин.

Football Italia тарқатган хабарга кўра 37 ёшли камерунлик футболчи “Лацио” билан музокаралар олиб бормоқда. Кеча Это′О Римда клуб спорт директори Игли Таре билан учрашган. Уларнинг ушбу суҳбати нақд 4 соат давом этди.

Эслатиб ўтиш лозимки Это′О учун А Серия бегона эмас.У 2009-2011 йилларда Миланнинг “Интер” сафида тўп сурган. 2015 йил эса “Сампдория” шарафини ҳимоя қилган.

Маълумот учун, Это′О жорий мавсум Туркия Суперллигасида жами 28та ўйинда майдонга тушиб, ўз ҳисобига 12та гол ёздириб қўйишга эришган.

Фикрлар

Фикр қолдириш учун авторизациядан ўтинг!