“Эвертон” ва “Наполи” бир футболчини талашишмоқда

Амстердамнинг “Аякс” клуби ҳужумкор ярим ҳимоячиси Дэви Классен фаолиятини Англия премьер-лигасида давом эттириши мумкин. Аниқроғи, унга “Эвертон” клуби жиддий қизиқиш билдирмоқда.

Mirror нашрининг хабар беришича мерсисайдликларнинг скаутлари Классенни синчиковлик билан кузатишмоқда. Таъкидлаш керакки, “ирисчилар” бош мураббийи Рональд Куман ўз ҳамюртини тезроқ "Гудисон Парк"ка олиб келмоқчи.

Шунингдек, 24 ёшли голландиялик футболчини Италиянинг "Наполи" ва Германиянинг "Айнтрахт" жамоалари ҳам ўз сафида кўришни истамоқда.

Маълумот учун, Классеннинг “Аякс” билан амалдаги шартномаси 2019 йилга қадар имзоланган.

Фикрлар

Фикр қолдириш учун авторизациядан ўтинг!