Европа Лигаси. Товони билан гол урган Рэмзи ҳафтанинг энг яхши футболчиси

“Арсенал” жамоаси ярим ҳимоячиси Аарон Рэмзи Европа Лигаси турнирида ҳафтанинг энг яхши ўйинчиси деб топилди.

Уэльслик футболчи ЦСКАга қарши (4:1) чорак финал илк ўйинида дубль муаллифига айланиб, жамоасининг йирик ғалабасини улкан ҳисса қўшди. Унинг иккинчи голи эса ҳақиқий шедеврга айланди.

Овоз бериш натижасига кўра Аарон 70 фоиз овоз тўплаб, ҳафтанинг энг яхши футболчисига айланди. Иккинчи ўрин Антуан Гризманнга (“Атлетико”) насиб қилди –  франциялик футболчи 17 фоиз овоз олди.

Тимо Вернер (“Лейпциг”) ва Сенад Лулич (“Лацио”) 6,5 фоиздан овоз тўплаб учинчи ўринни бўлишиб олишди.