Европа лигасида европаликларни ўйнатмаган "Витория" тарихда қолди

Кеча Европа лигаси гуруҳ босқичининг илк турида Австрянинг “Ред Булл” клубини қабул қилган "Витория Гимарайнш" ўзига ҳос натижани қайд этди.

Аниқроғи, кечаги учрашувда Португалия клуби ўзининг асосий таркибида бирорта ҳам европалик футболчини туширмади ва бу борада еврокубоклардаги илк жамоа сифатида тарихга кирди.

1:1 ҳисобида якунланган баҳсни “Витория” 4та бразилиялик, 2та колумбиялик ва 1тадан ганалик, венесуэлалик, перулик, кот-д'ивуарлик ҳамда уругвайлик футболчилар билан бошлади.