Европа лигасида ҳафтанинг энг яхши футболчиси номи маълум бўлди

Россиянинг “Зенит” клуби ҳужумчиси Александр Кокорин мухлислар талқинига кўра, Европа лигаси 2-турининг энг яхши футболчиси деб топилди.

Унга сўровномада иштирок этганларнинг 38 % овоз берди. Маълумот учун, Кокорин “Реал Сосьедат”га қарши баҳсда дубл қайд этиб, жамоасининг ғалабасига улкан хисса қўшган эди.

Бу борада Кокориндан сўнг, Руминиянинг “Стяуа” жамоаси ярим ҳимоячиси Константин Будеску бўлди – 24 % овоз билан.