Европалик теннисчилар Санжарнинг маҳорати олдида ожиз қолди

Қозоғистонда теннис бўйича эркаклар ўртасидаги "Фьючерс" турнирида ҳамюртимиз Санжар Файзиев жуфтлик беллашувларини ҳам ғалаба билан бошлади.

Жуфтлик баҳсларида қозоғистонлик Тимур Хабибулин билан ҳамкорликда ўйнаётган Санжар Файзиев дастлабки учрашувини Чехиядан келган теннисчилар - Марек Генгел ва Томаш Папикка қарши ўтказди. Ушбу баҳсда европалик ракетка усталари 4:6, 6:7 ҳисобида мағлуб бўлди.

Санжар Файзиев ва Тимур Хабибулин иккинчи даврада россиялик Маркос Каловелонис ва Денис Матсукевич билан рақобатлашади.