ФИФАнинг қароридан норози бўлган "Лестер" энди "юқори"га арз қилмоқчи

Хабарингиз бор бундан аввалроқ ФИФА португалиялик ярим ҳимоячи Адриен Силванинг трансфери борасида “Лестер”нинг юборган апелляциясини расман рад этган эди.

Бу қарордан норози бўлган инглиз клуби энди Лозаннадаги Спорт арбитраж судига (CAS) мурожаат қилмоқчи.

Эслатиб ўтиш лозимки, ёзги трансфер даврининг сўнгги кунида “Спортинг” клубидан Силвани ҳарид қилган “тулкилар” уни рўйҳатдан ўтказишга 14 сония кеч қолишган эди. ФИФА эса қандайдир сонияларга кечиккан бу икки клубдан футболчини рўйҳатдан ўтказиш учун хужжатларни қабул қилмаган.

Sky Sports нашрининг маълум қилишича, “Лестер” бу ҳолат юзасидан ҳақ эканлигига ишонмоқда. Таъкидлаш керакки, улар ёллаган мутахассислар клуб компьютерларини текширишган ва “Лестер” трансфер ойнаси ёпилмасидан керакли ҳужжатларни юборишга улгурганлигини тасдиқлашган.

Фикрлар

Фикр қолдириш учун авторизациядан ўтинг!