Фабиньо қишда "Атлетико" аъзосига айланади

Франциянинг амалдаги чемпиони – “Монако” клуби ярим ҳимоячиси Фабиньо Мадриднинг “Атлетико” жамоасига ўтадиган бўлди. Бу ҳақда AS нашри хабар тарқатмоқда.

Юқоридаги манбаанинг ёзишича ушбу трансфер “матрасчилар”га 45 млн еврога тушади. Таъкидлаш керакки, футболчи январгача Францияда қолади. Чунки, ФИФА “Атлетико”га қарши жаъзо тариқасида уларга жорий ёзги трансферлар даврида янги футболчилар сотиб олишни таъқиқлаган.

Маълумот учун, Фабиньо ўтган мавсум Франция чемпионатида жами 37та баҳсда иштирок этган ва ўз ҳисобига 9та гол ҳамда 1та голли узатма ёздириб қўйишга эришган. Эслатиб ўтамиз, 23 ёшли бразилиялик футболчига шунингдек ПСЖ ва “Манчестер Юнайтед” каби жамоалар ҳам жиддий қизиқиш билдиришаётган эди.