"Фламенго" ўз мураббийини истеъфога чиқарди

Бразилиянинг “Фламенго” клуби раҳбарияти жамоа бош мураббийи Зе Рикардуни истеъфога чиқаришга қарор қилди. Унга қўшилиб ёрдамчи мураббийи Клебер Дос Сантосга ҳам чиқиш эшиклари кўрсатилди.

“Фламенго” қилган хизматларингиз учун миннатдорчилик билдиради ва келажакдаги фаолиятингизда омадлар тилайди”, - деб ёзилади клуб расмий сайтида.

Маълумот учун, Зе Рикарду “Фламенго”ни ўтган мавсумнинг ёзида қабул қилиб олган эди. Унинг қўл остидаги жамоа айни дамда Бразилия чемпионатининг ортда қолган 19 тур якунларига кўра 5-ўринда бормоқда. Таъкидлаш керакки, “Фламенго” сўнгги 8та учрашувнинг бор йўғи биттасида ғалаба қозонган.